ٹھٹھہ ۔ 09 مارچ (اے پی پی)وزیراعظم محمد نواز شریف آکھیا جو اساں سندھ دی تعمیر نو کریسوں،عوام دے زخماں تے پٹی رکھیسوں،سندھ دے دیہات،گوٹھاں،اتے قصبیاں کوں نواں ولولہ ڈیسوں،سندھ دے کونے کونے اچ تازہ ہوائیں چلسن،گیس،بجلی،پانڑی ،صحت دی سہولتاں دے علاوہ اتھاں موٹرویز وی بنڑسن،اساں سندھ دی محرومیاں دور کرنڑدا عزم کر رکھیے،سندھ دے گائوں اتے دیہات کوں پنجا ب دے شہراں جیہا بنڑیسوں،، شاہ عبدالطیف بھٹائی اتے لعل شہباز قلندر دی دھرتی دی تریہہ لہیسوں،عوام نال ??ل تے تعمیر تے ترقی دے کم کریسوں۔انہاں ٹھٹ??ہ اچ 500بستریاں دا ہسپتال ??نڑاونڑ دے علاوہ،ٹھٹھہ،سجاول اتے ٹنڈو محمد خان ا چ لوکاں کوں علاج معالجہ دی مفت سہولتاں ڈیونڑ سانگے علاقہ اچ صحت کارڈز دی فراہمی دے پروگرام،بجلی،گیس،پانڑی اتے سڑکاں دی تعمیر سانگے منصوبے شروع کرنڑ دا اعلان کیتے۔او خمیس کوں ٹھٹ??ہ اچ جلسہ عام نال ??طاب کریندے پئے ہن ۔وزیراعظم آکھیا جو جیڑھے مسئلیاں دا اتھاں ذکر کیتا گئے او صو??ہ دی دسترس ??چ ہن اتے صوبائی حکومت کوں انہاں کوں حل کرنڑاں چاہیدا ہئی جڈانجو اے حل نی کر سگیے ایں سانگے وفاقی حکومت اے سارے مسئلے حل کریسی،اللہ میکوں وزیراعظم بنڑائے ایں سانگے مسئلے حل کرتے ڈکھیساں،اساں سندھ دی نویں سروں تعمیر کریسوں،عوام دے زخماں تے پٹی رکھیسوں،سندھ دے گائوں اتے دیہات کوں پنجاب دے شاہراں وانگ بنڑیسوں۔
وزیراعظم محمد نواز شریف دا ٹھٹھہ اچ جلسہ عام توں خطاب
مضمون کا ماخذ : نتیجہ میگا سینا
متعلقہ مضامین
