اسلام آباد 24 اکتوبر (اے پي پي) وزیراعظم محمد نواز شریف وئيلي دي پاکستان امن خوښ هېواد دے٬ ټولو ګاٶنډيانو هېوادونو سره د ملګرتيا اړيكې ساتلو په پاليسۍ عمل كوٶ٬ د كشمير كشاله د پاكستان او هند ترمېنځه بنيادي كشاله ده ٬ د دې هواري سره به منطقه كښې كلك امن باوري شي۔ وزيراعظم دا خبرې د برتانيې د قامي سلامتيا سلاحكار سر مارك لائل ګرانټ سره خپلو خبرو كښې وكړې چا چې د ګل په ورځ وزیراعظم سره ملاقات كولو۔ وزیراعظم نواز شریف ووئيل د كشمير كشاله د ملګرو ملتونو د قراردادونو له مخې بايد هواره كړې شي۔ ده ووئيل نړيواله ورورولي دې مقبوضه كشمير كښې د هندي ځواكونو د ظلم او زور او د بشري حقونو خلاف ورزۍ نوټس واخلي۔ وزيراعظم ووئيل دا ډېر مناسب وخت دے چې د مقبوضه كشمير پخوانۍ مسئله د كشميري اولس د هيلو ترمخه هواره كړې شي د كومې ضمانت چې د ملګرو ملتونو په قراردادونو كښې وركړې شوې۔ ده ووئيل په يو څو مياشتو كښې 100 څخه زيات بې ګناه كشميريان شهيدان كړې شوي۔ د چرو به ټوپك په سوؤنو كسان ړانده كړې شوي او بلخوا په زرګونو ژوبل شوي هم دي۔ په دې مهال د برطانيې د قامي سلامتيا سلاكار سرمارك لائل ګرانټ د ترهه ګرۍ په ضد جنګ كښې د پاكستان د قربانيو او په جنګ كښې د كاميابو په ترلاسه كولو د حكومت ستائنه وكړه۔ ده د ترهه ګرۍ په ضد جنګ كښې د وسله والو ځواكونو ٬ پوليس او نورو قانون نافذ كوؤنكو ادارو د سترو قربانيو هم اعتراف وكړو۔ سر مارک لائل ګرانټ وزیراعظم ته د آئی اېم اېف سپورټ پروګرام كاميابۍ سره په بشپړولو او د اقتصادي استحكام په ترلاسه كولو مباركي وركړه۔ د قامي سلامتيا سلاحكار د وزيراعظم ګاوڼديانو سره د ښو اړيكو د پالېسۍ ستائنه وكړه۔ ده ووئيل مونږ ګاونډيانو هېوادونو سره مرستې كولو له ستاسو د هڅو ډاډګېرنه او ملاټر كوؤ۔
ټولو ګاٶنډي هېوادونو سره د ملګرتيا اړيكې په ځائ ساتلو پاليسۍ عمل كوٶ
مضمون کا ماخذ : لوٹومینیا
متعلقہ مضامین
