اسلام آباد 26 جنوري (اے پي پي) وزيراعظم عمران خان وئيلي دي چې پاکستان به د فلاحي رياست په توګه نړۍ لپاره مثال جوړېږي٬ راتلونكې وخت به د قامي صحت كارډ په څير زمونږ د اقداماتو افاديت ثابت كړي٬ د نړۍ په پرمختللې هېوادونو كښې هم وګړو ته دا ډول هېلته انشورنس ترلاسه نه دې٬ د هېواد پېسه لوټ كوٶنكي واكمن د ټوخي درملنې لپاره هم بهر ځي، د دوي ټوله كورنۍ بهر ده٬ پاکستان به داسې فلاحي رياست جوړٶ چرته چې به رياست د كمزورو او غريبانو ذمه واري اخلي او چرته به چې د قانون حكمراني وي۔ د دې خيالاتو څرګندونه ده د شورو په ورځ د نيا پاكستان قامي صحت كارډ اجراء دستورې ته خپله وېنا كښې وكړه كومه كښې چې د پنجاب وزيراعليٰ سردار عثمان بزدار، د اطلاعات او خپرونو وفاقي وزير چوهدري فواد حسېن نه علاوه وفاقي وزيران او د خاص مرستيالانو پسمول لوړ پورو هم ګډون كولو۔ وزيراعظم ووئيل د صحت کارډ په اجرا عثمان بزداراو د ھغه ډلې او د صحت وفاقي وزارت ته پېرزوئنې وړاندې كوم٬ دا لوے اقدام دے٬ د صحت كارډ د لارې به هرې كورنۍ ته د لس لكه ورپو د ويړيا درملنو آساني ترلاسه شي۔ وزيراعظم ووئيل ما د برتانيې نېشنل هېلته نظام د نزدې نه ليدلې دې او د ھغې نه ډېر متاثره وم٬ خو مونږ چې كوم نظام وړاندې كړې دې دا د ھغې نه هم لوے نظام دے ٬ په برتانيه كښې د وګړو په سركاري روغتونونو كښې وېړيا درملنې كېږي او مونږ چې كوم هېلته كارډ معرفي كړې دې د دې د لارې به وګړي نه يوازې په سركاري بلكې په نجي روغتون كښې هم د روغتيا ويړيا درملنې ترلاسه كولې شي او هېلته انشورنس لپاره به پريميم هم وركول نه وي۔ وزيراعظم ووئيل دا كارډ د امير او غريب د فرق نه غېر ټولو لپاره دې۔ ده ووئيل ما د سركاري روغتونونو د تنزلۍ سفر ليدلې دې٬ وړومبې به سركاري روغتونونه ډېر بهتر ٶ خو وخت سره سره شتمندو لپاره نجي روغتونونه جوړ كړې شول او سركاري روغتونونه يوازې بې وسه كسانو لپاره پاتې شؤ۔ ده ووئيل د ضلعي روغتونونو دا حال دې چې هلته ډاكټر نه وي او په لرې پرتو سيمو كښې د صحت سهولت د نيشت برابر دے٬ د ميانوالي نه درملنې لپاره به خلقو له پېنډۍ ته راتلل وو٬ ټول نظام يوازې ايليټ کلاس ته سهولتونه وركولو لپاره ٶ او بې وسه به در په در ډغرې خوړلې ۔ وزيراعظم ووئيل پاکستان يو مقصد لپاره جوړ كړې شوې ٶ٬ د هند مسلمانانو پاكستان لپاره ووټ وركړې ٶ حالانكه ھغوي ته معلومه وه چې دوي به هم دلته پاتې كېږي٬ ماضي كښې چا دې وژن لپاره سوچ نه دې كړې د كوم له مخې چې پاكستان جوړ شوې ٶ۔ وزيراعظم ووئيل كله چې ما شوكت خانم روغتون لپاره هڅې پېل كړې نو پاكستان كښې د كېنسر درملنې نه وې چې په سبب ئې ما خپله مور برتانيه ته درملنې له بوتلله ٬ عام وګړي د ګران علاج خرڅ نشتي زغملې دې لپاره ما د كېنسر روغتون جوړولو سوچ وكړو٬ كله چې مونږ دا روغتون جوړول پېل كړل وړومبني چېف اېګزېكټو څوك چې بهرنې ٶ ووئيل كه د پنځه فيصده نه د زياتو كسانو د وېړيا درملنې كولو هڅه وكړې شو نو په دريو مياشتو كښې به شوكت خانم روغتون بند شي٬ درې مياشتې پس ھغه چېف اېګزېكټو خو لاړو خو ھغه د كېنسر روغتون نن هم په كلنه توګه لس اربه روپۍ د بې وسه كسانو په وېړيا درملنه خرڅ كوي۔ وزيراعظم ووئيل په ماضي كښې به واكمنو انتظار كولو چې خوشحالي به راشي نو پاكستان به فلاحي رياست جوړو، مونږ پاکستان د مدينې د رياست په طرز جوړول پېل كړې دې٬ دې مقصد لپاره رحمت للعالمينۖ اتھارټي جوړه كړې شوې ده كومه چې به په تعليمي ادارو كښې د نبي کريمۖ سيرت پحقله تعليم او شعور بېداروي۔ ده ووئيل د مدينې رياست د بې وسه طبقې ذمه واخسته او د قانون حكمراني ئې په ځائې كړه٬ پاکستان كښې طاقتور لپاره جلا قانون ٶ او په امير او غريب كښې فرق زياتېدو٬ نن چې مونږ د صحت كارډ كوم تاريخي اقدام پېل كړېدے٬ راتلونكې وخت به د دې افاديت ثابتوي۔ ده ووئيل د قامي سلامتيا تحفظ ھغه وخت ممكن دې كله چې عام وګړې رياست سره تعلق محسوس كړي٬ په ماضي كښې واكمن پېسه لوټ كولو سره بهر تللي ٬ ھغوي خپلې درملنې هم د بهر څخه كوي٬ دوي د عام وګړو د ستونزو احساس نه لري٬ مونږ چې كوم فلاحي اقدامات كړي دې دې په ماضي كښې يۍ مثال نه ترلاسه كېږي٬ په هېلتھ انشورنس 450 اربه روپۍ څرخ كېږي٬ د پنجاب وزيراعليٰ عثمان بزدار تعلق هم لرې پرتې سيمې سره دې او ھعه د عامو وګړو د ستونزو او پرېشانو نه ښه خبر دے٬ د ده په ضد چې كوم كمپائن چلولې شوې داسې د كوم بل وزيراعلی په ضد نه دې چلولې شوې خو چې كله د سروے رپورټ رامخې ته شو نو معلومه شوه چې بزدار نمبرون وزيراعلی دې٬ لوے څښتن عاجزي خوښوي٬ د دې نه وړاندې چې كوم وزيراعلی ٶ ټوپۍ او بوټانو كښې به ګرځېدو او د ټوخي درملنې لپاره به هم بهر تللو٬ د ھغه ټوله كورنۍ بهر ده۔ وزيراعظم ووئيل صحت كارډ د صحت يو بشپړه نظام دے٬ د دې له امله به د صحت ټول نظام بهتر شي٬ د سرکاري او نجي روغتونونو ترمينځه د مقابلې فضا سره به د صحت ټول نظام ښه شي او په لرې پرتو سيمو كښې به هم روغتونونه جوړ شي ځكه چې اولس سره به درملنې لپاره پېسه موجود وي۔ وزيراعظم ووئيل په پنجاب كښې پنځه نوي د مور او كوچني روغتونونه جوړېږي ځكه چې په صوبه كښې د حمل په مهال د مرګونو شمېره ډېره زياته ده٬ نجي روغتونونو ته به هم مراعات وركولې شي دغسې چې په لرې پرتو سيمو كښې هم نجي روغتونونه جوړ شي۔ وزيراعظم ووئيل پاكستان به د فلاحي رياست په توګه نړۍ لپاره يو مثال جوړېږي۔ د دې نه وړاندې وزيراعظم د پنجاب وزيراعلی او د قامي روغتيا خاص مرستيال سره په ګډه ټاكلې شويو وګړو ته علامتي هېلته كارډ وركړل
راتلونكې وخت به د قامي صحت كارډ په څير زمونږ د اقداماتو افاديت ثابت كړيوزيراعظم عمران خان
مضمون کا ماخذ : estratégias para lotomania
متعلقہ مضامین
