اسلام آباد 22 جولائي (اے پي پي) خارجه وزير بلاول بهټو زرداري د جمعې په ورځ د پېنډې په نور خان هوائي اډه قندهار لپاره د بېړنې مرستې سامان لېږلو په دستوره كښې ګډون وكړو. د خارجه دفتر وياند لخوا جاري شوي بيان له مخې د افغانستان اولس لپاره د بېړنې مرستې سامان لېږلو مقصد په ختيځ افغانستان كښې د طوفاني بارانونو په نتيجه كښې د سېلاب ځپليو مرسته كول دي. په دې موقع خارجه وزير بلاول بهټو زرداري د دواړو هېوادونو د اولس ترمېنځه د ورورولې اړيكې په ډاګه كولو سره افغان اولس ره د مرستې روانې ساتلو لپاره د پاكستان د عزم څرګندونه وكړه. ده ووئيل چې د پاكستان حكومت او اولس په دې سخت وخت كښې افغان قوم سره دے. خارجه وزير ووئيل چې پاكستان افغانستان سره خپلو اړيكو ته اهميت وركوي. ده ووئيل چې دواړه هېوادونه د يو اسان تجارت او ټرانزټ نظام وضع كولو او روابط زياتولو لپاره كار كوي. په دستوره كښې د افغانستان د سفارت ناظم الامور، د اېن ډي اېم اے چيئرمېن او د خارجه وزارت اعلٰی چارواكو ګډون وكړو.
افغان اولس لپاره د بېړنې مرستې سامان لېږلو دستوره، د خارجه وزير بلاول بهټو زرداري ګډون
مضمون کا ماخذ : تھور میگا ویز کی طاقت
متعلقہ مضامین
