چكوال 26 دسمبر (اے پي پي) وزيراعظم عمران خان وئيلي دي چې د پارلمان غړي په انتخابي كمپائن كروړونه روپې خرڅ كوي، د اپوزيشن مشرانو په خواهش هغوي استعفٰي ګانې څنګه وركولې شي، د اپوزيشن غړو به فاروډ بلاك جوړ شي، مولانا فضل الرحمان په خپله 12م لوبغاړې دے، د هغه په وېنا به څوك استعفٰي وركړي، د توان په معامله به ډېر زر قوم ته خطاب وكړم. ده دا خبرې د خالي په ورځ خبريالانو سره په خپلو خبرو كښې وكړې. د اسمبلو څخه د استعفٰي ګانو په اړه د پي ډي اېم د مشرانو د اعلان په اړه د پوښتنې په ځواب كښې وزيراعظم عمران خان ووئيل چې د پارلمان غړي په انتخابي كمپائن كروړونه روپې خرڅ كوي، د اپوزيشن مشرانو په خواهش هغوي استعفٰي ګانې څنګه وركولې شي، د اپوزيشن غړو به فاروډ بلاك جوړ شي، مولانا فضل الرحمان په خپله 12م لوبغاړې دے، د هغه په وېنا به څوك استعفٰي وركړي، د پارلمان غړي به داسې غوښتنې ونه مني. ده ووئيل چې مولانا فضل الرحمان د اربونو روپو جائيدادونه لري خو د معاش د ذريعې ئې چاته هم پته نشته، آيا دا جائيدادونه ده په جادو ترلاسه كړي دي. وزيراعظم ووئيل چې بايد هغه د دې پوښتنو ځواب وركړي خو هغه خپل د پارلمان غړي قربانوي. وزيراعظم ووئيل چې د پي ډي اېم مشران اولس بې وقوف ګڼي خو په لاهور كښې د دې نتيجه بيخي الټه وه او د لاهور غونډې صورتحال واضح كړو. د دوي فكر و چې خلق به د دوي كرپشن بچ كولو لپاره راوځي خو اولس رانغلو. ده ووئيل چې ټول قوم كرپشن كوونكي مشران ښه پېژني كومو چې د تېرو دېرشو كلونو په مهال هېواد لوټلې. د دوي بچي په بهرنيو هېوادونو كښې شاهانه ژوند تېروي. ده ووئيل چې دې مشرانو د خپل دولت جواز وړاندې كولو لپاره تر يو رسيد پورې وړاندې نه كړے شو. وزيراعظم ووئيل چې هغه به د توان په معامله ډېر زر قوم ته خطاب وكړي. تېرو حكومتونو د برېښنا د پېداوار ګرانې لوظنامې كړې دي او ځكه پاكستان په ټوله منطقه كښې تر ټولو ګرانه برېښنا پېدا كوي. ده ووئيل چې د برېښنا بېعه كمولو لپاره آئي پي پيز سره خبرې روانې دي. ده ووئيل چې د هېواد د برآمداتو زياتولو ضرورت دے. د يوې پوښتنې په ځواب كښې ده ووئيل چې څوك هم دا ګڼي چې قوم بې وقوف دے، د هغه نه لوي بې وقوف بل نشته.
د اپوزيشن غړو به فاروډ بلاك جوړ شي، مولانا فضل الرحمان په خپله 12م لوبغاړې دے، د هغه په وېنا به څوك استعفٰي وركړي، د توان په معامله به ډېر زر قوم ته خطاب وكړم. د وزيراعظم عمران خان خبريالانو سره خبرې
مضمون کا ماخذ : بک آف ڈیڈ
متعلقہ مضامین
